Mynd i'r cynnwys

Castell Coch

Y Parlwr

Delwedd: Y Parlwr

Mae creadigaeth Gothig ardalydd Bute yng Nghastell Coch, â'i ystafelloedd lliwgar a'i leoliad hardd ynghanol coetir, yn ddelfrydol ar gyfer seremonïau bach. Cynhelir y seremonïau yn y Parlwr sydd â lle i hyd at 30 o bobl ar unrhyw adeg.

Mae Castell Coch ar gael ar gyfer seremoni sifil yn unig. Nid oes cyfleusterau ar gyfer neithior.

Rhaid i uchafswm y gwahoddedigion gynnwys y ddau gofrestrydd, y briodferch a'r priodfab, y ffotograffydd ac unrhyw gerddorion sy'n bresennol. Mae hwn yn ofyniad Iechyd a Diogelwch, ac ni ellir caniatáu eithriad.

Un digwyddiad yn unig a gaiff ei dderbyn yn y castell bob dydd.

Caniateir uchafswm o 90 munud ar gyfer pob seremoni. Mae hyn yn cynnwys 30 munud ar gyfer paratoi'r ystafell, 30 munud ar gyfer y seremoni, a 30 munud ar gyfer ffotograffau'r briodas yng nghwrt a thiroedd y castell.

Caiff y rhai sydd am archebu'r lle ar gyfer seremonïau eu hannog i sicrhau bod cofrestrydd ar gael i gynnal y seremoni cyn archebu dros dro. Gellir gwneud hyn drwy gysylltu â Swyddfa Gofrestru Caerdydd (ffôn 029 2087 1690).

Gallwn dderbyn archebion ar gyfer llogi Castell Coch yn ystod 2013 o 1 Chwefror 2012, sef 13 mis cyn y dyddiad. Er enghraifft, gellir cymryd archebion ar gyfer mis Mehefin 2013 o fis Mai 2012. Parheir i gymryd archebion ar gyfer 2011 trwy gydol y flwyddyn.

 

Ffïoedd Llogi

Codir y taliadau canlynol ar gyfer 2011 a 2012:

Dydd Llun i ddydd Gwener £550
Dydd Sadwrn a dydd Sul £650

Nodiadau

  • Nid oes rhaid talu TAW ar y taliadau hyn.
  • Mae'r taliadau hyn ar gyfer seremonïau a gynhelir cyn 31 Rhagfyr 2012.
  • Bydd Cadw yn adennill unrhyw gostau y bydd yn mynd iddynt o ganlyniad i unrhyw gais, oddi wrth yr ymgeisydd.
  • Mae pob archeb ar sail dros dro. Rhaid cyflwyno tystiolaeth foddhaol o yswiriant Atebolrwydd Cyhoeddus. Rhaid cyflwyno copïau wedi'u llofnodi o'r ffurflen indemniad a'r amodau llogi i'r uwch geidwad sydd ar ddyletswydd yng Nghastell Coch.
  • Ceidw Cadw'r hawl i godi bond ad-daladwy amodol.
  • Bydd disgwyl i logwyr ddarparu tystiolaeth o yswiriant atebolrwydd cyhoeddus sy'n cynnwys cymal yn cwmpasu difrod damweiniol i'r heneb (isafswm gwerth y sicrwydd £2 miliwn).
  • Mae amodau penodol ynghylch ffotograffiaeth yn berthnasol i Gastell Coch. Rhoddir y rhain pan wneir cais. Bydd y ceidwaid yn gosod y Parlwr ar gyfer y seremoni; gellir trafod a chytuno ar y cynllun gyda hwy cyn y seremoni.
  • Rhaid i logwyr ymweld â'r castell cyn gwneud unrhyw drefniadau cadarn ar gyfer y seremoni. I drafod defnyddio Castell Coch, i weld a yw ar gael neu i wneud trefniadau, neu i drefnu ymweliad â'r safle, cysylltwch â'r ceidwad ar 029 2081 0101.
  • Nid oes cyfleusterau ar gyfer aros dros nos yn y castell. I gael gwybodaeth am lety o'r fath dylid cysylltu â Chanolfan Groeso Caerdydd, ffôn 029 2022 7281.