Cistiau Trysor

Ar rai o'r safleoedd yn ein gofal, mae cistiau trysor yn llawn o arteffactau hanesyddol a ail-grëwyd ar gael i'w defnyddio gan grwpiau addysgol yn ystod eu hymweliad.

Cyllell mewn gwain ledr

Cyllell mewn gwain ledr

Ydych chi erioed wedi meddwl sut roedd pobl yn cadw'n lân yn yr oesoedd canol? Wedi ystyried sut roeddent yn difyrru eu hunain? Efallai yr hoffech wisgo dillad canoloesol neu ddysgu am eu dull erchyll o drin y ddannodd?

Ar rai o'r safleoedd yn ein gofal, mae cistiau trysor yn llawn o arteffactau hanesyddol a ail-grëwyd ar gael i'w defnyddio gan grwpiau addysgol yn ystod eu hymweliad. Mae'r eitemau yn deffro'r synhwyrau ac yn helpu plant i ddeall bywyd bob dydd ym mhob safle - boed hynny'n gastell, abaty neu dŷ trefol. Holwch i weld a fydd y gist trysor ar gael pan fyddwch yn trefnu eich ymweliad.

Mae cistiau trysor ar gael ar y safleoedd canlynol:

  • Abaty Glyn y Groes
  • Abaty Tyndyrn
  • Castell Biwmares
  • Castell Caernarfon
  • Castell Caerffili
  • Castell Coch
  • Castell Cas-gwent
  • Castell Cricieth
  • Castell Cydweli

Mae pob cist drysor yn cynnwys deg casgliad o arteffactau gyda thema arbennig. Gallwch lwytho adnodd i lawr ar gyfer pob casgliad isod. Os byddai’n well gennych fersiynau Saesneg o’r adnoddau hyn, cliciwch ar ‘English’ ar frig ochr chwith y dudalen hon. Yn ogystal, mae gan Gastell Caernarfon replicâu o arteffactau at ddefnydd grwpiau addysg, a cheir manylion yr arteffactau hyn mewn adnodd ar wahân.