Castell Cas-gwent

Os credwch fod drysau modern yn para oes, meddyliwch eto. Mae gan Gas-gwent y drysau castell hynaf yn Ewrop. Mae pob un ohonynt wedi’i wneud o bren ac yn 800 mlwydd oed. Hyd at 1962, roedd y drysau hyn i’w gweld wrth y prif borth, ond maent bellach yn cael eu cadw’n ddiogel yn yr arddangosfa ar y safle. Byddai’n amhosibl canfod drysau newydd cystal i’w rhoi yn eu lle.

Mae’r safle cyfan yn wers mewn hirhoedledd. O tua 1067 i 1690, newidiodd ymddangosiad y castell drwy’r cyfnod i gyd-fynd â’r bensaernïaeth filwrol ddiweddaraf.

Dros y canrifoedd, parhaodd y castell i dyfu ar hyd crib gul y clogwyn. Yr adeilad hynaf yw’r tŵr mawr Normanaidd ond parhaodd y gwaith adeiladu ymhell i mewn i’r 17eg ganrif wrth i furfylchau canoloesol gael eu disodli gan ragfuriau cryfach ar gyfer tanio mysgedi. Roedd bwa a saeth yn perthyn i’r oes a fu!

Mae problemau mynediad i ymwelwyr ag anawsterau symudedd hefyd yn perthyn i’r oes a fu diolch i’r gwelliannau a wnaed i’r llwybr sy’n arwain at y brif fynedfa a’n sgwter symudedd.

Mae Siambr yr Iarll ar gau ar gyfer gwaith atgyweirio hanfodol. Ymddiheurwn am unrhyw anghyfleustra a achosir.